Домод хонаи падарарӯсро сӯхт

Марди 36 сола истиқоматкунандаи шаҳри Душанбе бо иттиҳоми оташзадани хонаи падарарӯсаш дастгир гардидааст.

Бино ба маълумоти  ВКД ба идораи милиса дар Ваҳдат ҷабрдида- марди 56-сола, сокини деҳаи Адолати ҳамин шаҳр муроҷиат намуда, арз доштааст, ки “30-юми сентябри соли 2017, домодаш, марди 36-солаи сокини шаҳри Душанбе ба манзили истиқоматиаш омада, ба воситаи сӯзишвории “бензин” хонаи истиқоматиашро оташ зада, аз ҷойи ҳодиса ғайб задааст”.

Манбаъ ҳаҷми зарари расонидашударо 2 ҳазору 400-сомонӣ арзёбӣ кард. ВКД афзуд, ки нисбати ин ҳодиса парвандаи ҷиноятӣ оғоз гардида, тафтишот идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube