Донишмандони ИМА дар дохили ҳайвон узвҳои бадани инсон парвариш мекунанд
Донишмандони Донишгоҳи Калифорния ҷанини гӯсфандеро ба вуҷуд овардаанд, ки дар он ба ҳуҷайраҳои ҳайвон ҳуҷайраи инсон ҳамроҳ карда шудааст. Технологияи нав имкон медиҳад, то дар дохили ҳайвон узвҳои бадани инсон парвариш карда шавад.
Пажӯҳишгарон тавонистаанд, дар ҷанин дар баробари ҳар даҳ ҳазор ҳуҷайраи гӯсфанд 1 ҳуҷайраи инсонро ҷой кунанд. Онҳо тасмим доранд, ин андозаро то ба як дарсад боло бибаранд.
Донишмандони Калифорния соли 2016 дар ҷанини хук бофтаҳои ғадуди зери меъдаи инсонро парвариш карда буданд. Вале ба гуфтаи онҳо, ба ин гуна таҷрибаҳо гӯсфанд муносибтар аст. Зеро барои натиҷаи мусбат ба даст овардан ҷанини камтар лозим мебошад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75
Шарҳ