Душанбе-Хуҷанд. «Сомон Эйр» парвозҳоро миёни ин шаҳрҳо зиёд кард

Ширкати ҳавопаймо и «Сомон Эйр» дар масири Душанбе-Хуҷанд-Душанбе парвозҳои худро афзоиш дод. Ба иттилои масъулини ширкат, парвозҳо аз 16-уми декабр дар ин масир ҳамарӯза анҷом дода хоҳанд шуд.

Тавре хадамоти матбуоти ширкат хабар дод, ин иқдом бо мақсади қонеъ гардонидани талаботи аҳолӣ ба равуо дар ин самт рӯйи даст гирифта мешавад.

Одатан зиёд кардани парвозҳо дар фасли сармо ба далели зиёд шудани мусофирон сурат мегирад.

Равуо аз тариқи роҳи заминӣ дар фасли зимистон мушкилтар мешаваду мусофирон роҳи ҳавоиро бартар медонанд.

Имрӯз ширкати ҳавопаймоии «Сомон Эйр» парвозҳоро аз Тоҷикистон ба Олмон, АМА, Туркия, Чин, Эрон, Ҳиндустон, Арабистони Саудӣ, Россия, Қазоқистон ва Ӯзбекистон бо муваффақият анҷом медиҳад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube