Душанбе Путинро интизор аст

Дмитрий Песков тасдиқ кард, ки  Президенти Русия Владимир Путин бо як сафари корӣ вориди Тоҷикистон мешавад ва  бо ҳамтои тоҷикаш Эмомалӣ Раҳмон мулоқот доир мекунад.

Бино бар иттилои Дмитрий Песков, сухангӯи Президенти Русия, фардо, рӯзи сешанбе, 28 июн сафари кории Владимир Путин ба Тоҷикистон барномарезӣ шудааст. “Дар онҷо мулоқот ва музокироти ӯ бо Эмомалӣ Раҳмон доир хоҳад шуд», — гуфт Песков дар посух ба суоли хабарнигори ТАСС.

 Дар мавриди шакли музокироти ду Президент Песков гуфт, ки онҳо “як ба як суҳбат мекунанд”. Дар барномаи  ин сафар тафсилоти дигар нашр нашудааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube