Эмомалӣ Раҳмон: Дар Тоҷикистон сатҳи камбизоатӣ коҳиш ёфт

Имрӯз зимни ироаи Паёми худ ба Маҷлиси Олӣ Президенти Тоҷикистон Эмомалӣ Раҳмон гуфт, ки дар 5 сол сатҳи камбизоатӣ дар кишвар то 22,5 % коҳиш ёфтааст.

«Музди миёнаи меҳнат дар кишвар якуним баробар ва андозаи нафақаи ниҳоӣ 1,3 баробар афзоиш ёфт. Дар натиҷа сатҳи камбизоатӣ аз 27,4 фоизи соли 2018 то 22,5 фоиз дар соли 2022 коҳиш дода шуд»,- таъкид намуд Сарвари давлат.

Ёдовар мешавем, ки Президенти мамлакат Эмомалӣ Раҳмон дар Паёми худ ба Маҷлиси Олӣ самтҳои асосии сиёсати дохилию хориҷӣ, таъмини рушди иқтисод, саноат, энергетика, нақлиёту коммуникатсия, амният, тартиботи ҳуқуқӣ, тандурустӣ, фарҳанг, илм, маориф, ҳифзи иҷтимоӣ, ҷавонон, варзиш, сайёҳиро муайян карда, дар назди масъулин вазифаҳои мушаххас мегузорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube