Фоҳишахона дар “Қаратоғ”-и Ҳисор
Бино ба иттилои ВКД дар санаи 17.07.с.2017, бо доир намудани чорабиниҳои оперативӣ-ҷустуҷӯӣ кормандони милитсия зани 35-солаи сокини шаҳри Ҳисор, корманди пансионати муолиҷавии “Қаратоғ”-и шаҳри мазкурро ҳамчун гумонбар дар ташкил ё нигоҳдошти фоҳишахона дастгир намуданд.
Номбурда, санаи 15.07.с.2017, тахминан соати 15:00-дақиқа, дар яке аз ҳуҷраҳои пансионати зикргардида, ба шаҳрвандон: зани 24-солаи сокини н.Шаҳринав ва марди 29-солаи сокини шаҳри Душанбе, барои алоқаи ҷинсӣ намудан шароит фароҳам намуда, аз онҳо 140-сомонӣ мукофотпулӣ гирифтааст.
Ҳамчунин муайян карда шуд, ки ӯ бо ҳамин роҳ дар яке аз ҳуҷраҳои пансионати мазкур ба шаҳрвандон: зани 32-солаи сокини шаҳри Турсунзода, ҷавонони 22, 26-солаи сокинони н.Шаҳринав ва зани 29-солаи ҳамин ноҳия барои алоқаи ҷинсӣ намудан шароит фароҳам намуда, аз онҳо 140-сомонӣ мукофотпулӣ гирифтааст.
Нисбати ин далелҳо парвандаи ҷиноятӣ оғоз гардида, тафтишот дар ин самт идома дорад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ