Хабарҳои нав аз Мубориз Усмонов

Овозхон ва ровии шинохтаи тоҷик Мубориз Усмонов хабар дод, ки мухлисонаш навигариҳои зиёдро интизор бошанд.

— Дӯстони азиз, мо ҳоло болои сурудҳои нав, албоми нав ва консертҳои нав кор карда истодаем. Худо хоҳад, ба наздикӣ ҳамаи навигариҳоро пешкаши шумо мегардонем,- гуфт Мубориз Усмонов.

Ҳамчунин, ӯ иброз дошт, ки пас аз танаффуси зиёд мавсими нави барномаи интернетии “Имшаб»-ро дар “Ютуб” оғоз мекунад.

— Мо дар таҳияи барномаи “Имшаб» хеле танаффус доштем, вале хушбахтона аллакай нашри аввали мавсими навро сабт кардем. Барномаҳои навро бо меҳмонони нав интизор бошед,- афзуд ровӣ. Ёдовар мешавем, ки суруди охирини Мубориз Усмонов бо номи “I am So Sorry” тахминан як моҳ пеш нашр шуда буд.