“Истиқлол” имтиёзи аз гурӯҳ баромаданро ҳифз намуд

Бозии даври чоруми марҳилаи гуруҳии Лигаи қаҳрамонҳои Осиё -2023-2024 дар гурҳи “Е” миёни дастаҳои “Истиқлол”-и “Тоҷикистон” ва “Персполис”-и (Эрон) мусовӣ 1 ба 1 ба итмом расид.

Дастаи “Пресполис” дар дақиқаи 30-юми бозӣ бо голи задааи Маҳдии Торобӣ бартариашро нишон дод.

Дар нимаи дуюми бозӣ дақиқи 74-ум ҳамлавари дастаи “Истиқлол” Сенин Себай ҳисобро баробар намуда, як имтиёзро ба дастааш овард. Ҳоло баъди анҷоми даври чоруми мусобиқоти Лигаи қаҳрамонҳои Осиё дастаи “Ал-Наср” бо 12 имтиёз дар ҷойи аввал, дастаи “Пресполис” бо 7 имтиёз дар ҷойи дуюм, дастаи “Истиқлол” бо 2 имтиёз дар ҷойи сеюм ва дастаи “Ад-Дуҳайл”-и Қатар бо як имтиёз дар зинаи охирон қарор дорад.