Каждуми заҳрнок дар боғчаи томактабӣ

Дар яке аз боғчаҳои махсуси вилояти Фарғонаи Ӯзбекистон каждум ба қайд гирифта шудааст. Дар ин бора яке мураббиҳои ятимхона хабар медиҳад.
Ба гуфтаи вай, боғчаи махсуси №30 муассисаи томактабӣ буда, кӯдакон ба таври шабонарӯзӣ дар муассиса таълим мегиранд.

«Чанде пеш дар яке аз утоқҳо каждуми заҳрдорро дидем. Дар басти шабона ман тақрибан намехобам. Метарсам, ки бо кӯдакон шабона ягон ҳодиса рух надиҳад», — мегӯяд мураббӣ.

Мураббӣ мегӯяд, вазъи муассисаи мазкур бисёр бад аст ва давлат ба боғчаи мазкур таваҷҷуз зоҳир намекунад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube