Корбарони Facebook ба 2 миллиард нафар расид

«Мо барои тамоми мардумро бо ҳам пайваст кардан бояд роҳи тӯлониеро тай кунем. Вале онҳоро на танҳо бо ҳам пайваст, балки ба ҳамдигар бояд наздик кунем», — навиштааст Сукерберг.

Теъдоди корбарони Facebook моҳи октябри соли 2012, баъди ҳашт соли таъсисёбияш ба як миллиард нафар расида буд ва тайи 5 соли ахир як миллиарди дигар афзоиш ёфт.

Facebook – бузургтарин ва бонуфузтарин шабакаи иҷтимоӣ дар ҷаҳон буда, 433,5 миллиард доллари амрикоӣ сармоя дорад. Дар ҳоли ҳозир дар ин ширкат 18 ҳазору 770 нафар кор мекунанд. Ба ҳисоби миёна, ҳар рӯз аз ин шабака 1,28 миллиард одам истифода мекунанд, ки 85,8% -и онҳо дар хориҷ аз ИМА ба сар мебаранд.