Корхонаи равғанбарории шаҳри Конибодом барқарор мешавад

Дафтари матбуоти раиси вилояти Суғд аз барқарор шудани Корхонаи равғанбарории шаҳри Конибодом хабар дод.

Бино ба иттилои манбаъ, ин нукта зимни боздиди раиси вилояти Суғд Раҷаббой Аҳмадзода аз корхонаи мазкур зикр гардидааст.

— Ҳангоми шиносоӣ бо вазъи кунунии корхона маълумот дода шуд, ки соҳибкорон бо шарикони хориҷӣ барои азнавсозии он шартномаи ҳамкорӣ ба имзо расонидаанд. Раҷаббой Аҳмадзода аз ташаббуси соҳибкорон истиқбол намуда, барои ҳарчи зудтар оғоз намудани корҳо тавсия дод,- меафзояд манбаъ.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube