Манижа Сангин шавҳар мекунад. Ӯ кист?

Манижа Сангин, овозхони маъруфи зодаи Тоҷикистон ва муқими Русия дар саҳифаи Instagram-и худ хабар дод, ки шавҳар мекунад.

Тибқи иттилои мавҷуда Манижаи 30-сола бо коргардон Ладо Кватания оила барпо мекунад.

Манижа Сангин дар Instagram-и худ  аксеро нашр кардааст, ки зери он чунин навишта шудааст: “Ман розӣ шудам”.

Гуфта мешавад, ки пешниҳоди издивоҷ аз ҷониби  Ладо Кватания сурат гирифта буд. Ӯ таҳиягар ва басаҳнагузори таронаи Russian Woman-и Манижа мебошад, ки дар озмуни байналмилалии “Евровидение-2021” Русияро намояндагӣ карда буд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube