Марҳилаи дуюми Чемпионати Тоҷикистон-2023 оғоз шуд

Нимаи дуюми Чемпионати футболи Тоҷикистон-2023 байни дастаҳои Лигаи олӣ бо панҷ бозии даври понздаҳум оғоз шуд.

Дар бозии марказии давр дастаҳои «Кўктош» ва «Истиқлол» вохўрданд. Вохўрӣ бо ҳисоби мусовӣ ба анҷом расид — 1:1. Рақобати «Равшан» ва «Хуҷанд» ҳам хеле ҷолиб сурат гирифт. Дидори ин ду даста, ки имсол Тоҷикистонро дар Ҷоми КФО-2023/24 намояндагӣ мекунанд, мусовӣ — 1:1 хотима ёфт.

Дастаи «Файзканд»-и Восеъ дар ин давр бар КМВА бо ҳисоби 2:0 пирўз шуд. Дар бозиҳои дигар «Регар-ТадАЗ» бар «Эсхата» (1:0) ва «Ҳосилот» бар «Хатлон» (1:0) ғолиб омаданд.

Дар доираи бозии даври шонздаҳум «Хатлон»-и Бохтар бар «Равшан»-и Кўлоб бо ҳисоби 2:1 пирўз шуда, силсилаи вохўриҳои бебарори худро, ки ҳафт бозӣ буд, қатъ кард. Вохўрии байни КМВА-и Душанбе ва «Ҳосилот»-и Фархор бо ҳисоби мусовии 0:0 хотима ёфт. «Истиқлол»-и Душанбе дар ин давр дар майдони худ бар «Регар-ТадАЗ»-и Турсунзода бо ҳисоби 5:0 ғалаба кард.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube