Меҳрубон Сангинов чемпиони ҷаҳон оид ба бокс!
22-юми июли равон дар шаҳри Шарлоттаи иёлати Каролинаи ИМА мусобиқаи бокси ҳирфаӣ (касбӣ) баргузор шуд. Варзишгари тоҷик Меҳрубон Сангинови 21-сола пас аз шикасти Стефен Дерстайни амрикоӣ ба унвони чемпиони ҷаҳон оид ба бокси ҳирфаӣ сазовор гардид. Меҳрбон дар вазни 76,2 кило дар раунди аввал бо нокаути фаннӣ рақибашро шикаст дод.
То ин мусобиқа варзишгари амрикоӣ Мигел Котто соҳиби унвони чемпиони ҷаҳон аз рӯи натиҷагирии WBB буд. Тавре Меҳрубон Сангинов дар саҳифаи худ дар Facebook навиштааст, дар ин ғалабаи ӯ саҳми мураббиаш мутахассиси қазоқ Сагатбек Мӯсохонов ва аввалин устодаш Парвиз Аҳмадов калон аст.
Дар айни ҳол муштзани тоҷик дар Лас-Вегаси ИМА, дар толори Флойд Мейвезер, таҳти раҳбарии Сагатбек Мӯсохонов тамрин мекунад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ