Муҳаммад Наимов дар як мусобиқа бо Ислом Махачев

Муҳаммад Наимов, варзишгари муҳорибаҳои омехта, ки ҳоло дар ташкилоти машҳури UFC баромад мекунад, бо гузоштани як “пост” дар “Инстаграм” мухлисонашро шод кард.

Варзишгари тоҷик дар саҳифаи расмии худ дар “Инстаграм” чунин навишт:

— Ҳамакаса билетҳоро гиред. Роҳ ба сӯи Абу-Даби, UFC 294. Иншоаллоҳ.

Ин ишораи Муҳаммад Наимов маъноеро дорад, ки шояд варзишгари тоҷик дар яке аз муҳимтарин мусобиқаҳои ташкил мекардаи ташкилоти UFC иштирок кунад. Албатта, ҳамаи мусобиқаҳои UFC муҳиманд, вале дар Абу-Даби бо шукуҳи дигар мегузарад.

Ёдовар мешавем, ки дар дидори асосии мусобиқаи UFC 294 чемпиони вазни сабук Ислом Махачев бо варзишгари бразилиягӣ Чарлз Оливейра муҳорибаи такрорӣ мегузаронад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube