Мукофотпулӣ барои ғолибони озмуни ҷумҳуривӣ ду баробар зиёд шуд

Дар соли 2025 бо амри Президенти мамлакат Эмомалӣ Раҳмон барои баргузории озмуни «Фурӯғи субҳи доноӣ китоб аст» 6 миллиону 670 ҳазор сомонӣ ҷудо гардид.

Имсол ҷоизапулиҳо афзоиш ёфта, барои барандаҳои ҷойи сеюм 40 ҳазор сомонӣ, ҷойи дуюм 50 ҳазор сомонӣ, ҷойи якум 70 ҳазор сомонӣ ва барандаи Шоҳҷоиза 140 ҳазор сомонӣ муқаррар гардидааст.

Мукофотпулӣ барои омӯзгорони муассисаҳои таҳсилоти умумӣ, ки шогирдонашон дар озмун ҷойҳои 1, 2, 3 ва Шоҳҷоизаро мегиранд, 20 ҳазор сомонӣ муқаррар карда шудааст.

Ҳамчунин, хонандагон ва донишҷӯёне, ки дар муассисаҳои таълимӣ тариқи шартномавӣ таҳсил мекунанд, дар сурати дар даври ҷумҳуриявии озмун сазовори ҷойҳои 1, 2, 3 ва ё Шоҳҷоиза гардидан, ба гурӯҳи ройгони таҳсил гузаронида мешаванд.

Минбаъд дар  дар баробари шаҳрвандони Тоҷикистон шаҳрвандони кишварҳои хориҷӣ, аз ҷумла тамоми тоҷикони ҷаҳон ва ҳамватанони бурунмарзӣ низ метавонанд дар ин озмун иштирок намоянд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube