Оғози синамобазми “Тоҷи Сомон” дар Душанбе
Имрӯз, дар шаҳри Душанбе ба ифтихори Рӯзи кинои тоҷик Синамобазми якуми байналмилалии Душанбе «Тоҷи Сомон» оғоз гардид.
Аз киностудияи давлатии “Тоҷикфилм” хабар медиҳанд, ки дар ин фестивал аз 26 кишвари ҷаҳон меҳмонон ширкат мекунанд.
Ба таъкиди Маҳмадсаид Шоҳиён, директори “Тоҷикфилм” ба Синамобазми мазкур 200 филм аз давлатҳои гуногун пешниҳод шуд, аз ин 70 филм ба Синамоҷашнвораи якуми Байналмиллалии Душанбе «Тоҷи Сомон» роҳ ёфт.
Ёдовар мешавем, ки Синамоҷашнвораи якуми байналмилалии Душанбе «Тоҷи Сомон» аз 15-ум то 19-уми октябри соли 2023 баргузор шуда он таҳти шиори “Таърихи рушди тоҷикон” мегузарад.
Сокинони пойтахт метавонанд ҳамарӯза дар кинотеатрҳои “Зебунисо”, Кайҳон” , «Кохи Наврӯз», «Ватан», «Зебуннисо», «Парфенон» (Сиёма-Молл) филмҳои бадеиву ҳуҷҷатиро ройгон тамошо кунанд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ