Обид Ҷебов соҳиби нишони нуқра гардид

Обид Ҷебов ба гирифтани нишони нуқра дар Ulaanbaatar Grant Slam 2023 мушарраф гардид.

Ҷудокори тоҷик Обид Ҷебов (то 66 кг) имрӯз, дар рӯзи якуми мусобиқаи “Тоскӯлоҳи бузург” дар Улан-Батор ба гирифтани нишони нуқра даст ёфт.

Тибқи иттилои ТВ “Варзиш”, дар финал Ҷебов бо ҷудокори мизбон Басхуу Йондонперенлей то ба охир нерӯсанҷӣ кард ва ҳатто ба пирӯзӣ ҳам наздик буд. Рақобати ин ду ҷудокор то ба вақти тиллоӣ давом карда, тақдири рақобатро шидо ҳал намуд. Ҷудокори мо дар ин набард 3 огоҳӣ аз ҷониби довари ҷопонӣ гирифту нишони тиллоро аз даст дод.

Инчунин, Муҳаммадсолеҳ Қувватов ва Меҳрзод Суфиев низ имрӯз ҳунарнамоӣ карда, Қувватов дар мақоми 7-ум ва Суфиев дар даври сеюм мувоҷеҳи шикаст шуданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube