Оилаи президент баъди марги ӯ чӣ тавр зиндагӣ мекунад?

15 сол пеш, рӯзи 23-юми апрели соли 2007 аввалин Президенти Русия Борис Елтсин дунёро падруд гуфт. Имрӯз оилаи ӯ чӣ тавр зиндагӣ мекунад? Дар ин матлаб пайгирӣ кунед.

Дар бӯстонсарои Горкий

Моҳи март ҳамсари Борис Елтсин Наина Елтсина 90-сола шуд. Вай то ҳол ҳаёти бисёр фаъол дорад, аммо ду соли охир, бинобар пандемия, хеле кам дар байни мардум пайдо мешавад.

Ин бори аввал нест, ки мардум дар интернет дар бораи нафақаи шахсии бевазани рақами як, хизматгоронаш ва “замини 3-гектарааш” баҳс мекунанд.

Воқеан, Наина Иосифовна аз ҳисоби кумакпулие, ки президенти ҳозираи Русия В. Путин соли 2007 бо фармони худ барои ӯ муқаррар карда буд, зиндагӣ мекунад. Дар соли 2009 ба фармон тағйирот ворид карда шуд ва маблағи он эълон шуд: 195 ҳазор рубл.

Ҳамчунин, истироҳатгоҳи собиқи Максим Горкий ба ин зан дахл дорад, вале ӯ дар бӯстонсарои шавҳараш иқомат мекунад.

Дачаи Елтсин соли 1995 бо пасандози шахсии Борис Николаевич сохта шудааст. Баъдтар ин хона аз нав сохта шуд ва имрӯз дар он Наина Иосифовна зиндагӣ мекунад. Ҳамсари президенти собиқ посбон, ошпаз ва боғбон дорад.

Духтари соҳибхоназан

Духтари калонии Елтсин Елена соҳибхоназан аст. Шавҳари ӯ Валерий Окулов дар вазифаи муовини вазири нақлиёти Федератсияи Русия кор мекард. Пеш аз ин ӯ солҳои зиёд директори генералии Аэрофлот буд. Ҳоло ӯ мушовири директори генералии PJSC United Aircraft Corporation мебошад.

Эъломияи Валерий Михайлович муддати тӯлонӣ нашр нашудааст, аммо маълум аст, ки духтари калонии нахустпрезидент, бо амволи ғайриманқул ва шавҳараш дорои саҳмияҳои Аэрофлот мебошад.

Домоди олигарх

Духтари хурдии Елтсин Татяна бошад, ҳаёти фаъол дорад. Ӯ хазинаи нахустин президенти Русияро раҳбарӣ мекунад ва узви Шӯрои сарпарастони Маркази Елтсин аст. Шавҳари сеюми ӯ, рӯзноманигор Валентин Юмашев дар солҳои 90-уми асри гузашта маъмурияти президентро раҳбарӣ мекард. Ҳоло вай ихтиёрӣ мушовири президент аст. Ӯ ҳамзамон узви правленияи МТС мебошад. Юмашевҳо хуб зиндагӣ мекунанд ва на танҳо дар Русия.

Соли 2021 маълум шуд, ки онҳо дар як ҷазираи ҳавзаи Кариб виллае бо арзиши 15 миллион евро доранд. Ҳамзамон, дар Рублёвка хонаи онҳо боҳашаммат аст. 

М. САИДБУРҲОН

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube