Ҷосусҳои Русияро пеш мекунанд

Вазорати мудофиаи Нидерландия рӯзи 4 сентябр гуфт, ки моҳи апрели соли равон чаҳор корманди истихбороти низомии Русияро аз қаламорави кишвар хориҷ кард.

Ба гуфтаи ин ниҳод ин нафарон мехостанд ба ситоди Созмони оид ба манъи маводи кимиёвӣ, мустақар дар Гаага, ҳамлаи ҳакерӣ анҷом диҳанд.  Созмон аз ҷумла ба таҳқиқи истифодаи силоҳи кимиёвӣ дар Сурия машғул аст. Мутахасисони он маълумоти мақомоти Британия дар бораи заҳролудшавии корманди пешини Идораи истихбороти Русия Сергей Скрипалро таҳқиқ ва таъид карданд, ки дар ҳамла ба Скрипал дар шаҳри Солсберӣ, аз маводи кимиёвии «Новичок»-и сохти Шӯравӣ истифода шуд. Тавре намояндагони Вазорати дифои Нидерландия рӯзи панҷшанбе дар нишасти матбуотӣ гуфтанд, русҳо ба кишвар бо шиносномаҳои дипломатӣ бо номи — Алексей Моренец, Евгений Серебряков, Олег Сотников ва Алексей Минин ворид шуданд. Маълум шудааст, ки яке аз онҳо мутахасиси соҳаи Текноложии Интернетӣ буд. Вазорати дифои Нидерландия акси агентҳои эҳтимолии Русияро нашр кард. Ҳамчунин гуфта мешавад, ки яке аз онҳо бо худ расиди таксиро дошт, ки аз ситоди истихбороти низомӣ то фурӯдгоҳи Шереметово ҳаракат кардааст.Талоши ҳамлаи ҳакерӣ ба Созмони зидди истифодаи силоҳи кимиёвӣ, ба гуфтаи Вазорати дифои Нидерландия, 13 апрел, як ҳафта баъди истифодаи эҳтимолии силоҳи кимиёвӣ дар шаҳри Думои Сурия анҷом шуд. Ин чаҳор нафар ҳамон рӯз аз Нидерландия ронда шуданд.Нидерландия ҳамчунин аз «таваҷҷуҳи аз ҳад беш»-и русҳо ба санадҳои суқути ҳавопаймои Малайзия дар фазои Донбасс хабар дод.Субҳи панҷшанбе Вазорати умури хориҷии Британия истихбороти низомии Русияро ба ҳамлаҳои ҳакерӣ дар саросари ҷаҳон ва Кремлро ҳамчун масъули ин ҳамлаҳо муттаҳам кард.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube