Отамбоев барои медали тиллои олимпӣ  104 ҳазор доллар ваъда  кардааст

Президенти Ҷумҳурии Қирғизистон Алмосбек Отамбоев зимни вохӯрӣ дар арафаи сафари олимпичиёни кишвараш ба Бозиҳои олимпии Рио-де-Женейро гуфтааст, ки ҳар  варзишгари медали тилло гирифтаро  бо 104 ҳазор доллар ҷоиза хоҳад дод.

Аз Қирғизистон дар Бозиҳои XXXI тобистонаи олимпии Рио де Жанейро, ки аз 5 то21 августи соли 2016 баргузор мешаванд — 19 нафар ба саҳнаи рақобату зӯрозмоии варзишӣ мебароянд. Атамбоев гуфтааст, ки барандаи медали нуқра 74 ҳазор доллар ва барандаи медали биринҷӣ 52 ҳазор доллар ҷоиза мегирад.

Вай гуфтааст, ки “муҳим  бузург ё хурдии кишвар нест. Масалан, кишвари Исландия бо 300 ҳазор нафар аҳолии худ дар бозиҳои Чемпионати Аврупо ба дастаи Англия пирӯз шуд”.

Эмоми Назариён

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube