Путин се меҳнаткаши ақибгоҳи сокини Душанберо ба Рӯзи Ғалаба табрик кард
Ба муносибати 78-умин солгарди Ғалаба дар Ҷанги Бузурги Ватанӣ, президенти Русия Владимир Путин ба се меҳнаткаши ақибгоҳ, ки сокинони Душанбе ҳастанд, табрикоти шахсӣ фиристод. Давр ин бора дафтари матбуоти сафарати Русия дар Тоҷикистон хабар дод.
Гуфта мешавад, ки инҳо Раиса Мусинова, Назиба Гибодулина ва Роза Габдулина мебошанд. Табрикотро кормандони сафорати Русия дар Тоҷикистон супориданд. Онҳо ҳамчунин ба аёдати собиқадори ҶБВ Дмитрий Откин дар Душанбе омада, ӯро бо Рӯзи Ғалабаи омадаистода табрик гуфтанд.
Тибқи иттилои Шӯрои собиқадорони кишвар, ҳоло дар кишвар 37 нафар иштирокдорони ҶБВ зиндагӣ карда, нисбати соли 2022 ин шумора 22 нафар коҳиш ёфтааст. Куҳансолтарин собиқадори Ҷанги Бузурги Ватанӣ дар кишвар Рашид Каримов, ки дар деҳаи Шоҳамбарии ноҳияи Ҳисор умр ба сар мебарад, имсол 111-сола мешавад. Ӯ 9-уми майи соли 1912 таваллуд шудааст.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ