Рақибони Ислом Махачев ва Ҳамзат Чимаев маълум шуданд
Пас аз интизориҳои зиёд дар як паёми видеоӣ роҳбари ташкилоти бонуфузи UFC Дана Уайт номи рақиби чемпион Ислом Махачев ва яке аз варзишгарони овозадори ташкилот Ҳамзат Чимаевро гуфт.
— Моҳи октябри соли 2023 дар UFC 294 чемпион Ислом Махачев бо варзишгари бразилиягӣ Чарлз Оливейра муҳорибаи такрорӣ мегузаронад ва рақиби Ҳамзат Чимаев бошад, Пауло Коста хоҳад шуд,- хабар дод Дана Уайт.
Гуфта мешавад, ки Ислом Махачев ҳоло чемпиони UFC дар вазни сабук аст ва моҳи феврали соли ҷорӣ аввалин маротиба камарбанди чемпионии худро ҳимоя кард. Чанде барои ӯ рақиб намеёфтанд ва инак, муҳорибаашро бо нафаре, ки камарбанди чемпиониро аз ӯ гирифта буд, ташкил мекунанд.
Дар масъалаи Ҳамзат Чимаев бошад, гуфтан мумкин аст, ки барои ӯ ҳам рақиб ёфтан хеле душвор буд барои ташкилоти UFC ва дар охир Пауло Коста барои ин муҳориба розӣ шудааст.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ