Раиси шаҳри Хуҷанд ба масъулин: Аз маҷбурӣ ситонидани қарзи партов худдорӣ кунед!
Сокинони шаҳри Хуҷанд аз КВДК «Хизматрасонии нақлиёти санитарӣ» 10 миллион сомонӣ қарздоранд.
Дар ин бора раиси шаҳри Хуҷанд Фирдавс Шарифзода зимни нишасти матбуотӣ иттилоъ дод. Гуфта шуд, ки бархе аз сокинони шаҳр саривақт маблағи хизматрасонии коммуналиро пардохт намекунанд ва ин ҳолат боиси зиёд шудани қарз аз партов шуда истодааст.
Зимнан, роҳбарияти шаҳр масъулини идораро вазифадор намуд, ки барои ҷамъоварии қарз бо аҳолӣ корбарӣ кунанд.
Вай афзуд, ки аз ҳолатҳои маҷбурӣ ситонидани қарзи партов худдорӣ кунанду бо корҳои фаҳмондадиҳӣ ин мушкилро бартараф созанд.
Ҳамчунин, раиси шаҳр дар самти ободонӣ ва тоза намудани мавзеъҳои асосии шаҳр аз партовҳо ба масъулин супориш дод. Таъкид гардид, ки пешрафту ободонии шаҳр асосан аз тозагӣ вобаста аст.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ