Рекорди Ламин Ямал дар Ла Лига

Бошгоҳи «Барселона» дар бозии даври 2-юми Ла Лига бар «Кадис» бо ҳисоби 2 бар 0 пирӯз шуд.

Бино ба иттилои ТВ “Варзиш”, дар ин бозӣ футболбози испанӣ Ламин Ямал дар дақиқаи 85-ум ба ҷои Ферран Торрес ба майдон баромад ва рекорди наверо дар Ла Лига сабт намуд. Ямал дар 16 солу 38-рӯзагӣ аввалин бозии худро дар Ла Лига анҷом дод, ки ин рекорд мебошад.

Тибқи иттилои Opta Sports, Ямал ҷавонтарин бозигари Ла Лига дар асри 21 шуд. Ямал аз Фабрис Олинга, ки соли 2012 дар 16 солу 112-рӯзагӣ дар ҳайати “Малага” бозиро оғоз карда буд, пеш гузашт.

Бояд гуфт, ки Ламин дар шаҳри Матарои Испания дар оилаи марокашии экваторитабор таваллуд шудааст. Ӯ бештари давраи ҷавонии худро дар Барселона, пас аз пайвастан ба академияи бошгоҳи каталонӣ сар карда аз соли 2014 гузаронидааст. Ӯ дар дастаҳои ҷавонони то 15, 16, 17 ва 19-солаи Испания бозӣ кардааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube