Сафари бераводид ба 27 кишвар

Бо шиносномаи тоҷикӣ шаҳрвандон имкон доранд, ки бе раводид ба 27 кишвар ва бо раводид дар марз ба 46 давлат сафар кунанд. Барои сафар ба 125 кишвари дигар, қабл аз сафар раводид зарур аст.

Тоҷикистон дар радабандии «Global Passport Power Rank 2025» бо 73 имтиёз дар ҷойи 72-юм қарор гирифтааст.

Дар Осиёи Марказӣ Қазоқистон бо 96 хол пешсаф аст. Шаҳрвандони он бе раводид ба 46 кишвар ва бо раводид дар марз ба 50 давлат сафар мекунанд.

Ӯзбекистон ва Қирғизистон бо 78 имтиёз дар зинаи 68-уманд, дар ҳоле ки Туркманистон бо 68 хол дар ҷойи 76-ум аст.

Дар феҳристи ҷаҳонӣ, Амороти Муттаҳидаи Араб бо 180 имтиёз пешсаф буда, шаҳрвандонаш бидуни раводид ба 133 кишвар сафар мекунанд.

Испания ҷойи дуюм ва кишварҳои аврупоӣ, аз ҷумла Фаронса ва Олмон дар зинаи сеюм қарор доранд.

Сурия, Афғонистон, Ироқ ва Сомалӣ дар зинаҳои охирини радабандӣ ҷой гирифтаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube