Ширкати варзишгарони Тоҷикистон дар Чемпионати Осиё (аудио)

Аз 13 то 16-уми октябр дар Кувайт Чемпионати варзиши сабуки Осиё миёни ҷавонони то 18-сола баргузор мешавад, ки дар он намояндаҳои Тоҷикистон низ ширкат мекунанд.

Ба иттилои Федератсияи варзиши сабуки Тоҷикистон, дар чемпионат иштироки 400 варзишгар аз 33 кишвари қора дар назар аст. Тоҷикистонро Абубакр Носиров ва Хусан Кулов намояндагӣ мекунанд.

Носиров дар мусобиқаи дав ба масофаи 200 метр ва Кулов дар дав ба масофаи 1500 метр иштирок мекунанд.

Чемпионат дар 40 намуд, аз қабили дав ба масофаҳои 100 м, 200 м, 400 м, 800 м, 1500 м, 3000 м, 5000 м, 110 м бо монеа миёни мардҳо, 400 м бо монеа, 2000 м бо монеа, ҷаҳиш ба дарозӣ, баландӣ, ҷаҳиши секарата, партоби диск, найза, гулўла, гурз миёни мардону занон, даҳҳарба миёни мардон, инчунин эстафета доир мегардад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube