Сиёҳкунии шишаҳои мошин гарон буд, боз гаронтар мешавад

Ба далели боло рафтани нишондиҳанда барои ҳисобҳо аз аввали соли оянда нархи иҷозатномаи яксола барои сиёҳ кардани шишаи мошинҳо дар Тоҷикистон афзоиш меёбад

Аз оғози соли оянда нархи сиёҳ кардани шишаи мошинҳои бароришашон 1 январи соли 2005 баробар ба 5 ҳазору 504 сомонӣ хоҳад шуд. Айни ҳол ин нишондиҳанда 5 ҳазору 160 сомониро ташкил медиҳад.

Ин болоравӣ ба далели афзоиши нишондиҳанда барои ҳисобҳо мебошад, ки аз 1 январи соли 2022 аз 60 сомонии мавҷуда ба 64 сомонӣ баробар хоҳад шуд.

Бар асоси муқаррароти ҷорӣ, дар Тоҷикистон арзиши сиёҳ кардани шишаҳои мошинҳои бароришашон то 31 декабри соли 2004 ба 65 нишондиҳанда барои ҳисобҳо баробар аст, ки аз 1 январи соли 2022 он баробар ба 4 ҳазору 160 сомонӣ хоҳад буд.

Бино ба иттилои Sputnik: Ин нишондиҳанда барои мошинҳои соли бароришашон аз 1 январи соли 2005 то ҳол 86 нишондиҳанда барои ҳисобҳост, ки аз оғози соли оянда 5 ҳазору 504 сомониро ташкил хоҳад дод.

Дар баробари ин интихобҳои гуногун низ барои шаҳрвандон дастрасанд. Аз ҷумла соҳибони мошини истеҳсолаш то соли 2005 метавонанд ба ивази 35 нишондиҳанда барои ҳисобҳо, ки аз 1 январи соли оянда 2 ҳазору 240 сомониро ташкил хоҳад дод, танҳо шишаҳои дарҳои паҳлӯии қафо ва шишаи қафоро сиёҳ кунанд. Танҳо барои шишаи қафо арзиши яксолаи сиёҳкунӣ 7 нишондиҳанда барои ҳисобҳо – 448 сомонӣ хоҳад буд.

Барои мошинҳои истеҳсолашон баъди 1 январи соли 2005 нархи сиёҳ кардани шишаҳои дарҳои паҳлӯии қафо ва шишаи қафо 45 нишондиҳанда барои ҳисобҳост, ки аз 2 ҳазору 700 сомонии феълӣ то ба 2 ҳазору 880 сомонӣ аз аввали соли оянда хоҳад расид. Танҳо шишаи қафо 12 нишондиҳанда – 768 сомонӣ хоҳад буд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube