Суҳбати Сироҷиддин Муҳриддин бо мудири кулли ЮНЕСКО
Сироҷиддин Муҳриддин бо мудири кулли ЮНЕСКО Одри Азуле дар мавриди ҳамкориҳои Тоқикистон ва Юнеско табодули назар намуданд.
Дар шаҳри Париж дар ҳошияи иштирок дар иҷлоси 42-юми Конфронси генералии Созмони Милали Муттаҳид оид ба масъалаҳои маориф, илм ва фарҳанг (ЮНЕСКО) мулоқоти вазири корҳои хориҷии Ҷумҳурии Тоҷикистон, раиси Комиссияи миллии Ҷумҳурии Тоҷикистон оид ба корҳои ЮНЕСКО Сироҷиддин Муҳриддин бо мудири кулли ЮНЕСКО Одри Азуле доир гардид.
Зимни мулоқот сатҳу муҳтавои муносибатҳои гуногунҷабҳаи Тоҷикистон бо ЮНЕСКО матраҳ гардид. Сироҷиддин Муҳриддин бо мудири кулли ЮНЕСКО Одри Азуле роҷеъ ба 30-солагии шомилшавии Ҷумҳурии Тоҷикистон ба ЮНЕСКО ва таъсиси Комиссияи миллӣ оид ба ЮНЕСКО ёдовар шуда, оиди расидан ба дастовардҳои нави ҳамкориҳои Тоҷикистон дар кулли самтҳои салоҳияти Созмон умеду боварӣ намуданд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ