Тағироти кадрӣ: Муовини Раиси Суди Олӣ иваз шуд

Имрӯз Президенти Ҷумҳурии Тоҷикистон, Эмомалӣ Раҳмон бо кадрҳое, ки дар мақомоти судӣ ва корҳои дохилӣ ба вазифаҳои масъул таъйин гардиданд, мулоқот намуданд.

Бо фармонҳои Президенти мамлакат раисони суди Вилояти Мухтори Кӯҳистони Бадахшон, як қатор шаҳру ноҳияҳои Вилояти Мухтори Кӯҳистони Бадахшон, вилоятҳои Хатлону Суғд ва баъзе шаҳру ноҳияҳои тобеи ҷумҳурӣ таъйин гардида, сардорони раёсатҳои корҳои дохилӣ дар ВМКБ, вилояти Суғд, шаҳри Душанбе ва дигар сохтору воҳидҳои мақомоти мазкур дар шаҳру ноҳияҳои мамлакат ва дастгоҳи марказии вазорат иваз карда шуданд.

Оид ба интихоб ва бозхонди судяҳои Суди Олӣ ва Суди Олии иқтисодӣ пешниҳоди Президенти Ҷумҳурии Точикистон ба Маҷлиси миллии Маҷлиси Олии Ҷумҳурии Тоҷикистон ирсол гардиданд.

Президенти Ҷумҳурии Тоҷикистон барои ба вазифаи муовини Раиси Суди Олӣ интихоб гардидани Исҳоқӣ Амирхон, Судяи Суди Олии Ҷумҳурии Тоҷикистон интихоб гардидани Аланазарзода Шароф, Тағозода Абдуқаҳҳор, Аҳмадзода Ҷамшед, Комилзода Илҳом, инчунин ба вазифаи муовини Раиси Суди Олии иқтисодӣ интихоб гардидани Комилӣ Файзалӣ ба Маҷлиси миллии Маҷлиси Олии Ҷумҳурии Тоҷикистон пешниҳод ирсол намуданд.

Дар Вазорати корҳои дохилии Ҷумҳурии Тоҷикистон низ тағйироти кадрӣ ба амал баровада шуд.

Бо қарорҳои Ҳукумати Ҷумҳурии Тоҷикистон Бобозода Хисрав аз вазифаи Фармондеҳи Қӯшунҳои дохилии Вазорати корҳои дохилии Ҷумҳурии Тоҷикистон бо сабаби ба кори дигар гузаштанаш озод гардида, Рауфов Сӯҳроб ба ин вазифа таъйин гардид.

Ҳамчунин дар мувофиқа бо Президенти Ҷумҳурии Тоҷикистон сардорони Раёсати корҳои дохилӣ дар Вилояти Мухтори Кӯҳистони Бадахшон, вилояти Суғд, шаҳри Душанбе, сардори Раёсати корҳои дохилӣ дар гурӯҳи ноҳияҳои водии Рашт, сардорони раёсати корҳои дохилӣ дар ноҳияҳои Вахш, Фархор, Ҳамадонӣ, Хуросон, Ёвони вилояти Хатлон, дар ноҳияҳои Истиқлол, Бобоҷон Ғафурови вилояти Суғд, Нуробод, Файзобод ва сардорони як қатор раёсатҳои Вазорати корҳои дохилии Ҷумҳурии Тоҷикистон дар дастгоҳи марказӣ аз ҳисоби кадрҳои баландихтисос ва соҳибтаҷриба ва содиқу поквиҷдон таъин гардиданд.

Зимни суҳбати самимӣ ва ошкоро Пешвои миллат муҳтарам Эмомалӣ Раҳмон аз авзои пешгӯинашавандаи ҷомеаи ҷаҳонӣ, бахусус минтақа изҳори нигаронӣ намуда, аз ҳар як нафари ба вазифаҳои масъулу пуршараф таъйингардида зиракиву ҳушёрӣ ва садоқат ба Ватанро талаб намуданд.

Дар охир Президенти Ҷумҳурии Тоҷикистон муҳтарам Эмомалӣ Раҳмон ба ҳамаи кадрҳои ба вазифаҳои нав таъйиншуда дар роҳи таъмини адолати судӣ ва риояи қонунияту тартиботи ҳуқуқӣ барору комёбӣ орзу намуданд.

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН

Дар бораи таъин ва озод намудани судяҳо

Мутобиқи моддаи 69 Конститутсияи Ҷумҳурии Тоҷикистон фармон медиҳам:
1. Додихудозода Давлатмо Бахтибек раиси суди Вилояти Мухтори Кӯҳистони Бадахшон таъин гардида, аз вазифаи раиси суди иқтисодии Вилояти Мухтори Кӯҳистони Бадахшон озод карда шавад,
Меҳмон Аловиддин Бозгул раиси суди шаҳри Хоруғи Вилояти Мухтори Кӯҳистони Бадахшон таъин гардида, аз вазифаи раиси суди ноҳияи Рӯшони Вилояти Мухтори Кӯҳистони Бадахшон озод карда шавад,
Бобизода Зафар Бобоназар раиси суди ноҳияи Рӯшони Вилояти Мухтори Кӯҳистони Бадахшон таъин гардида, аз вазифаи раиси суди ноҳияи Мурғоби Вилояти Мухтори Кӯҳистони Бадахшон озод карда шавад,
Зуҳурзода Далер Шукурҷон раиси суди ноҳияи Абдураҳмони Ҷомии вилояти Хатлон таъин гардида, аз вазифаи муовини раиси суди шаҳри Ҳисор озод карда шавад,
Сайдалӣ Сироҷиддин Сайвалӣ раиси суди ноҳияи Ҷалолиддини Балхии вилояти Хатлон таъин гардида, аз вазифаи раиси суди шаҳри Қӯрғонтеппаи вилояти Хатлон озод карда шавад,
Муминзода Зоҳир Тоҳирӣ раиси суди ноҳияи Шамсиддин Шоҳини вилояти Хатлон таъин гардида, аз вазифаи судяи суди вилояти Хатлон озод карда шавад,
Мирзоҳомидзода Диловар раиси суди шаҳри Панҷакенти вилояти Суғд таъин гардида, аз вазифаи судяи суди ноҳияи Деваштичи вилояти Суғд озод карда шавад,
Ваҳҳобзода Содиқҷон Абдулҳай раиси суди шаҳри Истаравшани вилояти Суғд таъин гардида, аз вазифаи раиси суди ноҳияи Ҷаббор Расулови вилояти Суғд озод карда шавад,
Ҳоҷизода Мирзошариф Мирзораҳмат раиси суди ноҳияи Зафарободи вилояти Суғд таъин гардида, аз вазифаи судяи суди вилояти Суғд озод карда шавад,
Расулзода Нуриддин Ғафор раиси суди ноҳияи Рӯдакӣ таъин карда шавад,
Зуҳурзод Неъматулло Ҳиммат раиси суди ноҳияи Нуробод таъин гардида, аз вазифаи судяи суди ноҳияи Фирдавсии шаҳри Душанбе озод карда шавад,
Баротзода Ҳусейн Наҷот раиси суди ноҳияи Рашт таъин гардида, аз вазифаи судяи суди ноҳияи Сангвор озод карда шавад,
Салимзода Муҳаммад Давлатбек раиси суди ноҳияи Сангвор таъин гардида, аз вазифаи судяи суди ҳарбии гарнизони Хуҷанд озод карда шавад.
Абдуллозода Фарҳод Нусратулло судяи суди иқтисодии вилояти Суғд таъин гардида, аз вазифаи судяи суди иқтисодии шаҳри Душанбе озод карда шавад,
Абдуллозода Зебонисо Файзулло раиси суди иқтисодии шаҳри Душанбе таъин карда шавад,
Қурбоншозода Нозигул Мастоншо судяи суди иқтисодии Вилояти Мухтори Кӯҳистони Бадахшон таъин карда шавад,
Ҷалилзода Хусрав Раҷабалӣ муовини раиси суди иқтисодии вилояти Хатлон таъин гардида, аз вазифаи судяи суди иқтисодии вилояти Суғд озод карда шавад,
Саидзода Зулфия Саид судяи суди иқтисодии шаҳри Душанбе таъин гардида, аз вазифаи судяи суди иқтисодии вилояти Хатлон озод карда шавад,
Одиназода Ҷонфидо Халил судяи суди иқтисодии вилояти Хатлон таъин гардида, аз вазифаи судяи суди иқтисодии шаҳри Душанбе озод карда шавад.
2. Ширинҷон Изатулло Назруло аз вазифаи раиси суди ноҳияи Сангвор озод карда шавад.

Президенти
Ҷумҳурии Тоҷикистон Эмомалӣ Раҳмон

ш. Душанбе
12 декабри соли 2017
№967

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube