Бештар

Толеъномаи 27 июл 2018

Толеънома 03.06.2022

Ҳамал ( 21 март-20 апрел)

Рӯзи хеле хуб аст. Дар саломатиятон ҷурме дида намешавад. Бо табъи хушу болида корҳои зиёдеро аз қабили рӯбучини хона ва ба тартиб овардани мавзеи корӣ, тахт намудани ҳуҷҷатҳо ба анҷом мерасонед. Корҳои зиёди нотамоми худро ба зудӣ ба охир расонидан муяссаратон мегардад. Наздикон ба ғамхории шумо ниёз пайдо мекунанд. Рӯзи хубест барои харидорӣ намудани ҳайвоноти хонагӣ.
Савр ( 21 апрел – 22 май)
Дар ин рӯз оташи меҳру муҳаббататон бештар гашта, бо дӯстдоштаатон қаринтар мегардед. Барои сафарҳои якҷоя, истироҳат дар осоишгоҳ давраи мусоид аст. Агар аз зиндагии якрангу бемаънӣ хаста шуда бошед, вақте расидааст, ки ҳаётатонро рангину гуворо созед. Саврҳое, ки соҳиби фарзанданд, бо маслиҳатҳои судманд ҷигарбандонашонро ба роҳи рост ҳидоят менамоянд.
Ҷавзо ( 23 май-21 июн)
Дар ин рӯз тамоми кӯшишу ғайрататонро барои ободонии хонаву дари худ сарф карда метавонед. Бар замми хоҳишу имкон доштанатон наздикону волидон ба шумо кӯмак мекунанд.  Ҳамзамон дар ин рӯз  бо масъалаи тақсими мерос машғул шуда метавонед. Рӯзи хубест барои харидорӣ кардани мебели қиматбаҳо ё асбоби рӯзгор. 

Саратон (22 июн- 22 июл)

Вақте расидааст, ки кинаву адоватро аз дил дур карда, дасти оштӣ дароз кунед. Бе ягон дудилагӣ қадами аввалро барои оштишавӣ гузоред, атрофиён бо камоли майл бо шумо дар робита мешаванд. Рӯз барои сафарҳои берун аз шаҳр ва пайдо кардани шиносҳои нав мусоид аст. Нафарони оиладор ба дидорбинии хешовандон мераванд. Эҳтимол охири рӯз ба ҷашни арӯсӣ ё маъракае даъватӣ мегардед. 
Асад ( 23 июл – 23 август)

Шуморо дар ҷодаи касбу кор барор ҳамсафар мегардад. Вазъи  саломатиатон хуб гашта, корҳои зиёдеро ба анҷом мерасонед. Нафароне, ки аз бисёр гап задан амал карданро авлотар мешуморанд, бурд мекунанд.  Агар нияти хароб шуданро дошта бошед, дар ҳамин рӯз парҳезро риоя кардан ба манфиати кор аст. Охири ҳафта рӯз гирифтан ё ба нафаре қарз доданро маслиҳат намедиҳем.

Сунбула ( 24 август- 23 сентябр)

Сунбулаҳое, ки дар дилашон оташи меҳру муҳаббат аланга мезанад, болидагии руҳро эҳсос мекунанд. Муносибатҳои ошиқонаатон ранги тоза мегирад. Нафароне, ки хеле камгап ҳастанд, баногаҳ қулфи забонашон кушода мегардад. Баъзеҳо ба эҷодиёт майл пайдо мекунанд. Рӯз на танҳо барои ошиқон, балки дар тарбияи фарзандон мусоид аст.

Мизон ( 24 сентябр- 23 октябр)

Рӯз барои нишастҳои дӯстона, суҳбатҳои дилнишин бо наздикон мусоид аст. Муносибатҳои оилавӣ гуворо ҷараён гирифта, аъзоёни оилаатон мушкилиҳои зиндагиро дар якҷоягӣ рафъ месозанд. Агар чунин камбудӣ дошта бошед, вақте расидааст, ки аз пайи анҷом додани он шавед. Дар баробари ин, бояд имкони лаҳзае дар танҳоӣ буданро низ пайдо намоед, то ки ҳодисаҳои чанд рӯз қабл рухдодаро ҳаллу фасл намуда, қалбатонро ором созед. 

Ақраб ( 24 октябр- 22 ноябр)

Дар ин рӯз бештар дар муошират бошеду ба сафар баромада, дилхушӣ кунед. Нақши дӯстон, шиносону ҳамфикрон дар зиндагиятон меафзояд. Бештар дар нишастҳои дӯстон ширкат варзида, ба кинову консерт равед. Муносибатҳоятон дар оила ба фарзандон хеле хуб ҷараён гирифта, ақрабҳое, ки фарзанди калон доранд, дар фикри оиладор кардани эшон мегарданд. Охири рӯз шиносоии тақдирсозеро интизор бошед. 

Қавс ( 23 ноябр- 21 декабр)

Дар корҳое муваффақ мегардед, ки пешакӣ ба нақша гирифта тавонед. Бояд ҷасуронаву дилпур амал намоед. Имкони ба мақсад расидан фароҳам меояд. Падар ё нафари воломақоме дар корҳоятон кӯмак расонида, сабабгори пешравиҳоятон мегардад. Вазъи молиявиатон нисбатан беҳтар мегардад, роҳҳои амалӣ сохтани орзуву ниятҳоятонро пайдо месозед. 

Ҷаддӣ ( 22 декабр- 20 январ)

Дар ин рӯз ба худ бештар диққат диҳед. Агар вазни зиёдатӣ дошта бошед, машқи бадан кунед ё ба фитнес машғул шавед. Нерӯятон дар ин ҳафта дучанд гашта, машқҳои ҷисмонӣ фоидабахш мегарданд. Дар бораи мушкилиҳои худ назди дӯсту душман лаб накушоед. Дар ин рӯз ба касе қарз доданро тавсия намедиҳем. Барои беҳтар сохтани вазъи молиявӣ бояд аз пайи пайдо намудани манбаҳои иловагии даромад шавед.

Далв ( 21 январ- 20 феврал)

Агар аз камбудиву шармгиниии худ шиква дошта бошед, вақте расидааст, ки шубҳаву гумонҳоро дур намуда, зиндагиро бо табъи хушу дили пур оғоз намоед. Дар ин рӯз ба ҳамом ё сауна рафтанатон хуб аст. Бо ин роҳ шумо руҳану ҷисман худро пок месозед. Қобилиятҳои пешгӯӣ кардани ҳодисаҳоро пайдо намуда, аз чанд вазъияти ногувор эмин мемонед. 

Ҳут ( 21 феврал- 20 март)

Муносибатҳоятон бо ҳамсафари ҳаётӣ ва шарики тиҷоратӣ нисбатан беҳтар мегардад. Тамоми мушкилиҳои оилавӣ ба хубӣ рафъ гашта, нофаҳмиҳо гум мешаванд. Дар якҷоягӣ аз пайи ҷиҳозонидани хонаву дар шуда, ҳамроҳ ба ягон мавзеи истироҳатӣ рафта метавонед. Хешовандону шиносон ба ҷашну маъракаҳояшон даъват мекунанд. Хуб мебуд, ки ба ин ҷашнҳо якҷоя бо шахси дӯстдоштаатон равед.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube

#
Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *


Дар бораи мо

Ҳафтаномаи «Тоҷикистон» дар Вазорати фарҳанги Ҷумҳурии Тоҷикистон таҳти №0054/РЗ сабти ном шуда, аз соли 1992 инҷониб чоп мешавад. Ба мазмун ва санаду рақамҳои маводи чопшуда муаллифон ҷавобгаранд.

Телефонҳои идора:

Тел: 221-00-84

[email protected]

Шуъбаи реклама:

Тел: 227-19-95

[email protected]

Сайт разработан ООО «Густариш»

Ба боло