Толеъномаи 8-уми декабри соли 2022

Ҳамал (21 март-20 апрел)

Имрӯз нақшаҳоятон тағйир ёфта, аз пеш омадани монеаҳо дар ғазаб мегардед. Бо вуҷуди андуҳгин буданатон худро ба даст гиреду фикрҳоятонро ҷамъ кунед. Бегоҳирӯзӣ хабари хуш мешунавед. Эҳтимоли хурӯҷ намудани бемориҳои музмин дар назар аст.

Савр (21 апрел-22 май)

Тамоми фикру андешаҳоятонро барои пайдо намудани манбаи даромад равона созед. Нафаре, ки кӯшиши бо шумо ҳамкорӣ карданро дорад, найрангбозу фиребгар аст.

Ҷавзо (23 май-21 июн)

Рӯзи хубест барои рафъи нофаҳмиҳо. Он чизҳоеро, ки донистан мехостеду аз пурсидан шарм медоштед, имрӯз бе дудилагӣ фаҳмида метавонед. Дар ин рӯз ростқавлу ҳамсуҳбати хуб бошед.

Саратон (22 июн-22 июл)

Дар ин рӯз саросемавор амал намуда, вазъиятро ҳаллу фасл карда наметавонед. Як маслиҳати одӣ: қабл аз он, ки ба коре даст мезанед, аз рӯйи шиори «ҳафт бор чен куну як бор бур» амал намоед.

Асад (23 июл-23 август)

Муваффақият танҳо ҳамроҳу ҳамсафари нафарони ҷасуру боақле мегардад, ки дар ҳама ҳолатҳо роҳи худро меёбанд. Вазъиятро бодиққат таҳти назорат гиред, он гоҳ аз чанд муноқиша эмин мемонед. Дар ин рӯз харидани асбобҳои рӯзгорро тавсия намедиҳем.

Сумбула (24 август-23 сентябр)

Рӯзи хубест барои машғул шудан бо корҳои муқаррарӣ. Нияту нақшаҳои деринаро ҷомаи амал пӯшонида метавонед. Дар ин рӯз тамоми диққати худро ба ҳодисаҳои асосӣ ҷалб созед.

Мизон (24 сентябр-23 октябр)

Рӯзи хубест барои ишқу муҳаббат. Дар ин рӯз ҷасурона бо садои қалби худ амал кардан гиред. Аз ҳад зиёд зудбовар нашавед, вагарна сахт фиреб мехӯред. Айни замон бароятон такягоҳи боэътимоде лозим аст.

Ақраб (24 октябр-22 ноябр)

Барои рафъ намудани хастагиҳои рӯзҳои пешин дӯстонро ба хона даъват кунед ё ба қаҳвахона равед. Нишастҳои дӯстона, мусиқии форам, муҳаббат ва хӯроки бомазза табъатонро болида месозад.

Қавс (23 ноябр-21 декабр)

Дар ин рӯз корҳоятон бобарору муваффақият ҳамсафаратон мегардад. Хусусан дар ҷодаи муҳаббат комрон мегардед. Модоме тақдир мададгоратон гаштааст, имконияти мусоидро аз даст надода, дӯстдоштаи худро хушбахт гардонед.

Ҷаддӣ (22 декабр-20 январ)

Ба назаратон чунин мерасад, ки озодиятонро маҳдуд месозанд. Барои ба тартиб овардани андешаҳоятон ба назди дӯстон равед, робита бо эшон бароятон муҳим аст, онҳо низ ба маслиҳати шумо ниёз доранд.

Далв (21 январ-20 феврал)

Бо аҳли оила истироҳатро ба нақша гиред. Наздикон ба меҳрубониву ғамхории шумо ниёз доранд. Наздикон аз дастгирии шумо миннатдор шуда, дар лаҳзаҳои душвори зиндагӣ такягоҳатон мегарданд.

Ҳут (21 феврал-20 март)

Дар ин рӯз аз муносибати сарди шумо чанд ҳамкоратон ранҷида, сафи душманонатон зиёд мегардад. Агар муносибатҳоятонро вайрон кардан нахоҳед, аз аспи ҷаҳл фароед.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube