Вазири фарҳанг: Теъдоди зиёди китобҳо ба нашр расиданд

Зулфия Давлатзода — вазири фарҳанги Тоҷикистон зимни нишасти матбуотӣ, ки имрӯз, 30-юми январ баргузор гардид, дар хусуси табъу нашр маълумот дод.

Бино ба иттилои вазир, нашриёти вазорат дар соли 2022-юм 98 номгӯи китобро бо теъдоди 108 ҳазору 750 нусха адабиёти бадеӣ ва илмӣ-оммавӣ ба табъ расонидаанд.

Дар соли гузашта нашриёти “Адиб“ аз ҳисоби Фонди захиравии Президент 21 номгӯи китоб, аз ҳисоби даромадҳои дохилии нашриёт 23 номгӯи китоби бадеӣ ва 21 номгӯи адабиёти кӯдаконаро дастраси хонандагон гардонидааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube