Заринаи “Имрӯз” Талабшои “Синамо”-ро тарсонд?

Муборизаи ду ровии машҳур Талабшо Муқимов ва Зарринаи Тағоймурод  чунон шадид аст, ки ин ду ровӣ таваҷҷуҳи тамоми муштариёни сомонаи “Тajikistantimes.tj”-ро ба худ кашидаанд.
Заринаи Тағоймурод айни замон бо 6285 лайк дар зинаи аввал қарор дорад, вале аз рӯзҳои аввали озмун ровии машҳур Талабшо Муқимов ӯро пайгирӣ карда истодааст. Рӯзҳои охир дар рафтори мухлисони Талабшо андаке дилмондагӣ эҳсос мешавад, зеро тӯли як ҳафта мухлисони Зарина ниҳоят фаъол гаштанд. Пештар овози Талабшо аз Зарина ҳамагӣ 2-3 то камтар буд,  ҳафтаи равон бошад, якбора фосилаи байни ин  ду ровӣ афзун гашт. Талабшоҳ Муқимов ҳамагӣ 6080 овоз дорад, шумораи овозҳои Заринаи Тағоймурод бошад, аллакай қариб ба 6300 расидааст. Мухлисони Талабшо аз рақобат бо гули сари сабади радиои “Имрӯз” Заринаи Тағоймурод тарсида, аз бозӣ мебароянд ё то охир муборизаро давом медиҳанд, инро танҳо вақт нишон медиҳад. Мо танҳо ҳаминро ёдрас менамоем, ки то ҷамъбасти озмун, яъне 28-уми феврал ҳамагӣ се ҳафта вақт мондааст.   Бахтовари Бобоҷон 680, Субҳони Ҷалил 670, Дурахшони Ортиқ 686, Мубориз Усмонов 572, Фаридуни Хайруллозода 513 ва Файзалии Ниёз 495 овоз доранд. Ровиёни дӯстдоштаатонро ҳарчи зудтар дастгирӣ намуда, ба ҷонибдориашон лайк гузоред, вагарна…

Рустам Азимов

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube