3583 медал. Дастоварди варзишгарони Хатлон дар як сол

Соли 2023-ум варзишгарони вилояти Хатлон дар зиёда аз 180 мусобиқаи гуногуни дохил ва хориҷи кишвар иштирок кардаанд. Ин нукта 5 феврал дар нишасти хабарии Раёсати ҷавонон ва варзиш дар вилояти Хатлон зикр гардид.

Рамазон Насриддинзода, сардори Раёсати ҷавонон ва варзиш дар вилояти Хатлон афзуд, ки варзишгарон аз иштирок дар 36 мусобиқаи варзишии хориҷ аз кишвар 72 медали тилло, 57 нуқра ва 99 медали биринҷиро соҳиб шуданд.

Ӯ мегӯяд, варзишгарон аз ҳамаи чорабиниҳои варзишӣ дар маҷмӯъ 3 ҳазору 583 медал ба даст овардаанд. Ба таъкиди вай шумораи медалҳои варзишгарон дар соли 2023 назар ба соли 2022-ум 333 медал зиёд аст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube