Аз таҳти дил бихандед!

Туҳфаи солинавӣ

Субҳи рӯзи 1-уми январ марде ба дӯсташ занг зада, мепурсад:

— Дӯстам, соли навро чӣ гуна пешвоз гирифтӣ?

Мард мегӯяд:

— Мисли туҳфаи солинавӣ…

Дӯсташ ҳайрон шуда, мепурсад:

— Чӣ хел мисли туҳфаи солинавӣ?

Мард мегӯяд:

— Тамоми шаб дар таги арча хоб будам.

Навбат

Баъди ҷашнгирии соли нав зан бо шавҳараш баҳс мекунанд, ки косаву табақро кӣ бояд шӯяд. Зан ба шавҳараш мегӯяд:

— Биё, минбаъд косаву табақро бо навбат мешӯем. Имсол навбати ту!

Инсони ҳазорсолаи 3-юм

Мард баъди шаби ҷашни соли нав бо рӯйи варам, чашмони сурх ва риши расида ба оина нигариста, мегӯяд:

— Ана ту чӣ гуна будаӣ, инсони ҳазорсолаи 3-юм.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube