Аз таҳти дил бихандед!

Дунёи ошиқон

Мӯйсафеде харашро гум карда ба кофтан мебарояд. Дар роҳ духтареро бо як ҷавон мебинад, ки мулоқоти ошиқона доранд. Ҷавон ба чашмони духтар нигариста мегӯяд:

-Азизам, дар чашмони ту дунёро мебинам.

Мӯйсафед инро шунида мегӯяд:

-Бачам, хушрӯйтар нигоҳ кун, хари маро дар ягон ҷо намебинӣ?

Пул

Писарча аз тиреза модарашро фарёд карда, мегӯяд:

— Оча, ба ман 50 дирам партоед.

Модараш мегӯяд:

— Мабодо танга афтода гум нашавад?

Писарча мегӯяд:

— Шумо онро дар пули яксомона печонида партоед.

Аллергия

Маризе назди табиб омада, мегӯяд:

— Духтур, худро хеле бад ҳис мекунам.

Духтур як дона мехчаро дода, мефармояд:

— Ана, ин мехро фурӯ баред. Ягон чӣ ҳис мекунед?

Мариз баъди фурӯ бурдани мехча:

— Аҳволам бадтар шуд.

Табиб мегӯяд:

— Ҳамааш равшан шуд, шумо аз мехча аллергия доред!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube