Аз таҳти дил бихандед!

Ҳайрати кӯдак

Модар тифлакашро ором мекунонад. Духтарчаи панҷсолааш дар ин асно аз модар мепурсад:

— Оча, барои чӣ ӯ гиря мекунад?

Модар мегӯяд:

— Намедонам, шояд ягон ҷояш дард мекунад.

Духтарак ба ҳайрат омада:

— Куҷояш дард мекунад? Охир, ҳама ҷояш напа нав аст ку!

Рашк

Шавҳари бадрашк ҳамеша занашро бо дигарон рашки беҳуда мекард. Рӯзе онҳо ҷанҷол карданду зан гуфт:

— Дар дилам ҳазор умед ба шумо ба шавҳар баромадаму…

Зан суханашро тамом накарда, шавҳараш дарҳол:

— Умед кист?

Сурудхонӣ

Писарчаи хурдсоле ҳамроҳи модараш дар боғ сайругашт мекунанд. Ногаҳон писарча бо овози баланд мегӯяд:

— Очаҷон, ман пешоб дорам.

Модараш ӯро ором карда, мегӯяд:

— Писарам, дар байни мардум ин хел нагӯ, айб аст. Суруд хондан мехоҳам бигӯ, ман худам мефаҳмам.

Рӯзи дигар, нисфи шаб писарча падарашро аз хоб бедор карда, мегӯяд:

— Падарҷон, ман суруд хондан мехоҳам.

— Бачаҷон, ҳама хобанд, ту ҳам хоб кун. Субҳ шавад, ҳарду якҷоя мехонем.

— Охир, ман ҳозир хондан мехоҳам,- исрор мекунад писарча.

— Хуб, паст-паст дар гӯши ман хондан гир, то дигаронро аз хоб бедор накунӣ,- мегӯяд падар.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube