Аз таҳти дил бихандед!

Асп

Дар маркази таъмири мошинҳо:

— Усто, ҳолати мошини ман чӣ гуна аст?

Усто дар ҷавоб:

— Медонед чӣ, агар ин мошин неву асп мешуд, ман ба шумо тавсия медодам, ки онро парронед…

Одамгарӣ

Зан ба шавҳараш мегўяд:

— Одаму одамгариро фаромўш кардаед вақтҳои охир. Хушдоманатон аз ҳамин қадар роҳи дур меҳмон шуда омаданду шумо бошед, ақаллан ягон ҷо тамошо ҳам набурдед он касро.

— Занак,- мегўяд шавҳар дар ҷавоб,- ин кори бефоида. Ба куҷое набарам, роҳро медонад, боз гашта хона меояд.

Каллапӯш

Мураббия аз кӯдаке мепурсад:

— Салимҷон, одам бо гӯш чӣ кор мекунад?

Салимҷон:

— Ҳама ҷоро мебинад.

Мураббия:

— Охир барои дидан чашм ҳаст-ку!

Салимҷон дар ҷавоб:

— Дуруст мегӯед, вале агар гӯш надошта бошам, каллапӯшам болои чашм меафтаду ман дигар чизеро дида наметавонам…

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube