Аз таҳти дил бихандед!

Ба пеш!

Марди тоҷике аз марди тотор мепурсад:

— Бо забони шумо “ба пеш” чӣ гуна тарҷума мешавад?

— Алга!,- посух медиҳад тотор.

Тоҷик боз мепурсад:

— “Ба қафо” чӣ?

Тотор мегӯяд:

— Мардуми тотор қафо гуфтанӣ гап надоранд, онҳо дар ҷояшон тоб хӯрда, боз “алга” мераванд!

Нигоҳи пулчинак

Зане ба хонааш ғамгин меояд. Шавҳараш аз ӯ мепурсад:

— Ҳа, занак, чаро ғамгин ҳастӣ?

Зан мегӯяд:

— Имрӯз дар мусофирбар пулчинак тавре ба ман нигоҳ кард, ки гӯё ман роҳкироро надода бошам.

Шавҳар:

— Баъд ту чӣ кор кардӣ?

Зан:

— Ман ҳам тавре ба ӯ нигаристам, ки гӯё роҳпулиро дода бошам.

Савоб

Аз марде пурсиданд:

— Бародар, ҳамин тобутро аз пеш қапидан савоб аст ё аз қафояш?

Мард дар ҷавоб мегӯяд:

— Муҳимаш, дар дохили он набошӣ, шуд!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube