Аз таҳти дил бихандед!

Барнома

Зану шавҳар бо ҳам ҷанг мекунанд, дашномҳои болохонадорашон ба гӯши ҳамсояҳо ҳам мерасад. Баногаҳ занги дар садо медиҳад. Писараке дар погаҳи дар пайдо шуда, мегӯяд:

— Мебахшед, падару бобоям донистан мехоҳанд, ки чунин барномаи аҷибро аз кадом шабакаи телевизион тамошо карда истодаед?

Ихтисос

Ду рафиқ:

— Ба кадом донишгоҳ дохил шуданиӣ?

— Ба донишгоҳи тиббӣ.

— Зӯр-ку! Ман бошам, ҳуҷҷатҳоямро аллакай ба донишкадаи байторӣ супоридам. Вақте диплом гирифтем, якдигарамонро бемалол муолиҷа кардан мегирем, чӣ гуфтӣ?

Автобус

— Ба Гулистон кадом автобус меравад?,- пурсид мўйсафед аз ҷавоне.

— Шасту ҳафтум,- ҷавоб дод ҷавон.

Баъди чанде ҷавон дид, ки мўйсафед ҳоло ҳам дар истгоҳ нишастааст. Ў ҳайрон шуда, пурсид:

— Ҳоло ҳам нарафтед, бобо?

Мўйсафед гуфт:

— О, нав панҷоҳта автобус гузашт, бачем.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube