Аз таҳти дил бихандед!

Савдои писар

Марде бо писараш рафта истодаанд, ки баногаҳ аз наздашон духтари зебое мегузарад. Мард ба писараш мегӯяд:

— Агар дар назди ҳамон духтар маро ако гӯӣ, ба ту 1 сомонӣ медиҳам.

Кӯдак дар ҷавоб мегӯяд:

— Не, 1 сомонӣ намешавад. Дирӯз дар назди як мард модарамро апа гуфтам, ба ман 5 сомонӣ дод.

Интизории маст

Масте дар кӯча меистод. Пурсиданд, ки чаро ин ҷо истодаасту ба хонааш намеравад.

Гуфт:

— Намебинед, тамоми шаҳр гирди ман чарх мезанад, интизорам, ки хонаам пешам ояд ва бе ҳеҷ заҳмате ба он дохил шавам.

Мӯйсафеди қаҳрамон

Мӯйсафеди 80-солае ба духтур шикоят мекунад:

— Духтурҷон, баъди ҳамхобагӣ бо занам дар гӯшҳоям ғавғо мешунавам. Ин садои чист?

Духтур дар ҷавоб мегӯяд:

— Ин кафкӯбӣ барои қаҳрамониҳоятон аст, бобоҷон!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube