Бингар, ки кӣ мегӯяд…

Азим ИБРОҲИМ, вазири нақлиёти Тоҷикистон
— Теъдоди ҳамин гуна таксиҳо (таксиҳои 7-сомонӣ) 23 фоиз коҳиш ёфт. Марҳила ба марҳила ин масъаларо мо ҳал мекунем. Лекин монед, ки ҳамонҳо ҳам зиндагияшонро пеш баранд, 5-6 хӯранда доранд.

— Ҷаноби вазир, чунон “дипломатӣ” гап мезанед, ки сарфаҳм нарафтем, ҷонибдори коҳиш додани таксиҳо ҳастед ё зид? Ё мавқеи бетарафӣ доред?

Камол НАСРУЛЛО, Шоири халқии Тоҷикистон

— Суннатҳои миллие мисли гаҳворабандон, мӯйсаргирон, рӯйбинон ва даҳҳои дигар суннатҳои миллие мебошанд, ки бо ҳадафҳои неку мақсадҳои наҷиб амалӣ мегарданд.

— Шумо мабодо мухолифи Қонуни ҶТ «Дар бораи танзими анъана ва ҷашну маросимҳо дар Ҷумҳурии Тоҷикистон» набошед!? Ё аз ин қонун ҳоло ҳам хабар надоред?

Ҷамолиддин АБДУЛЛОЗОДА, вазири тандурустии Тоҷикистон

— Кишварҳои ҳамсоя барои ҷалби мутахассисони соҳаи тиббӣ барномаҳои махсус ва имтиёзҳо таҳия кардаанд. Аз ин рӯ, табибон барои ба даст овардани имтиёзҳо ба ин кишварҳо мераванд.

— Боке надорад, бигузор раванд. Таҷриба гирифта меоянду барномаҳои махсус таҳия мекунем ва табибони дигар давлатҳоро ба кишварамон ҷалб месозем.  

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube