Бо корд писарамакашро кушт

Вазорати умури дохилии Тоҷикистон аз боздошти ҷавони 26-сола, сокини шаҳри Роғун хабар дод, ки дар қатли писарамаки ноболиғаш гунаҳкор мешавад.

Тибқи иттилои дафтари матбуоти ВКД боздоштшуда 26-уми майи соли 2017, дар ҳудуди деҳаи Қалъаи-Нави шаҳри Роғун, дар пайи муноқиша бо писари амаки 11-солааш, сокини шаҳри Душанбе ҷанҷол карда, бо корди дар дасташ буда 12-маротиба ба аъзои баданаш зарба задааст: “Дар натиҷа, писарбачаи ноболиғ ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст”.

Манбаъ афзуд, феълан аз рӯи ин ҳодиса парвандаи ҷиноӣ оғоз гардида, тафтишот идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube