Дар Тоҷикистон қабули ҳуҷҷатҳо барои таҳсил дар хориҷа оғоз ёфт

Муассисаи давлатии «Маркази барномаҳои байналмилалӣ» оғози қабули ҳуҷҷатҳоро барои таҳсил дар муассисаҳои таҳсилоти олии хориҷӣ эълон кард.

Номзадҳо ба барномаҳои бакалавриат, магистратура, аспирантура, докторантура ва таҷрибаомӯзӣ аз рӯйи ихтисосҳои гуногун дохил мешаванд. Муассисаҳои таълимии 184 кишвар, аз ҷумла Русия, Амрико, Беларус, Аврупо, Эрон, Қазоқистон, Узбекистон, Озарбойҷон, Туркманистон ва ғайра дарҳои худро барои донишҷӯёни Тоҷикистон боз кардаанд.

Барои пешниҳоди ҳуҷҷатҳо номзадҳо метавонанд ба Маркази барномаҳои байналмилалӣ дар суроғаи: шаҳри Душанбе, кӯчаи Мирзо Турсунзода, 47 муроҷиат кунанд.

Сокинони минтақаҳои шимоли кишвар метавонанд тавассути идораи маорифи вилояти Суғд, шаҳри Хуҷанд, кӯчаи Шарқ, 29 ариза пешниҳод намоянд.

Телефонҳои тамос барои маълумот: 2232359, 2211175.

Зимнан, Маркази барномаҳои байналмилалӣ ба шаҳрвандон аҳамияти пешниҳоди саривақтии ҳуҷҷатҳо ва омодагии ҳамаҷониба ба озмоишҳои дохилшавиро хотиррасон кардааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube