Дар Туркманистон барои занон қоидаҳои нави либоспӯшӣ ҷорӣ шуд

Дар Туркманистон қоидаҳои либоспӯшӣ барои занон боз ҳам сахттар шудаанд. Акнун духтарони бешавҳари пойтахт бояд рӯймоли зард банданд, вагарна онҳоро метавонанд аз кор озод кунанд. Дар ин бора «Радио Озодӣ», хабар додааст.

Ин талаботи нав дар ҳуҷҷатҳои расмӣ сабт нашудааст, аммо кормандон ҳушдор гирифтаанд, ки бояд ба он риоя кунанд. Вақте занон сабаби ҷоришавии ин меъёрро пурсон шуданд, ба онҳо гуфта шуд, ки фармон «аз боло» омадааст.

Таҳримҳои ғайрирасмӣ дар Туркманистон сол ба сол бештар мешаванд. Ба ҷуз аз рӯймол, занон бояд либоси зард пӯшанд, мардон ҳақ надоранд риш гузоранд ва дар пойтахт танҳо мошинҳои ранги сафед ё равшан иҷозат дода шудаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube