Дастоварди хонандагони тоҷик дар олимпиадаи байналмилалӣ

Хонандагони тоҷик дар олимпиадаи байналмилалии “Infomatrix — Asia 2025” соҳиби 2 ҷойи дуюм ва 2 ҷойи сеюм шуданд.

Олимпиадаи мазкур аз 29 то 31-уми марти соли равон дар шаҳри Остонаи Қазоқистон баргузор гардид.

Дар ин бора аз Вазорати маориф ва илми Тоҷикистон иттилоъ доданд.

Бояд гуфт, ки  ин олимпиада ҳаводорони фанновариҳои навинро аз рӯйи 9 категория, аз қабили графикаи компютерӣ ва санъат, филми кӯтоҳ,  лоиҳаҳои илмӣ-амалӣ,  мусобиқаи эстафетаи LEGO, барномасозии AI ва стартапи ҳакатони AI ба ҳам овард.

Дар натиҷа ғолибони олимпиада имкони ба даст овардани имтиёзҳоро барои дохилшавӣ ба муассисаҳои таҳсилоти олии касбии ҷаҳон пайдо намуданд.

Вазорати маориф қайд мекунад, ки дастоварди мазкур нишон медиҳад, ки ҷавонони тоҷик дар омӯзиши технологияҳои муосир ва рақобат дар арсаи байналмилалӣ қобилияти баланд доранд.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *



preload imagepreload image