Даъвати наваскарон ба сафи Артиш оғоз шуд (аудио)

Президенти кишвар Эмомалӣ Раҳмон фармон дар бораи даъвати тирамоҳӣ ба хизмати ҳарбиро имзо кард.

Мувофиқи фармон “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1995-2004 Ҷумҳурии Тоҷикистон ба хизмати ҳарбӣ” даъвати тирамоҳӣ ба хизмати ҳарбӣ аз 1 октябр оғоз мешавад.

Ба сафи Қувваҳои Мусаллаҳи Тоҷикистон шаҳрвандони ҷинси марди то рӯзи даъват ба синни 18 расида, инчунин, шаҳрвандони синни калонтари Тоҷикистон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, даъват карда мешаванд.