Хатлон нақшаи даъватро дар рӯзи аввал иҷро кард

Имрӯз, 1 апрел даъвати баҳории ҷавонон ба сафи Қувваҳои Мусаллаҳ дар вилояти Хатлон дар рӯзи аввал пурра иҷро шуд.

Ин бори дувум аст, ки вилояти Хатлон нақшаи даъвати ҷавонон ба Артишро дар рӯзи аавл ва пурра иҷро мекунад.

Иҷрои нақшаи даъвати ҷавонон ба сафи Қувваҳои Мусаллаҳи мамлакат дар даъвати тирамоҳии соли 2024 ҳам дар рӯзи аввал пурра таъмин шуда буд.

Иҷро шудани нақшаи даъвати ҷавонон ба Артиш ва он ҳам дар рӯзи аввал, аз баланд будани ҳиси ватандӯстии онҳо шаҳодат медиҳад.

Дар маросими тантанавии гусели сарбозони даъҷатшуда, Давлаталӣ Саид, раиси вилояти Хатлон иштирок карда, аз ҷавонон ва падару модарони онҳо изҳори миннатдорӣ кард.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube