Толеъномаи 12-уми феврали соли 2021

Ҳамал (21 март-20 апрел)

Рӯзи бобарор аст. Пешравӣ дар касбу кор боиси зиёд шудани даромади пулиятон мегардад. Ҳар маблағеро, ки имрӯз ба даст меоред, барои камбудиҳои рӯзгор сарф карданатон лозим меояд. Вазъи саломатиятон аз оромии асабҳо вобастагӣ дорад. Инчунин, нӯшидани гиёҳчой низ ба манфиати шумо хоҳад буд.

Савр (21 апрел-20 май)

Қабл аз гаперо гуфтану кореро ба анҷом расонидан сад маротиба андеша намоед. Дар ин рӯз таваккал кардан хуб нест, вагарна тамоман бепул мемонед. Дарди сар ва ҷароҳат бардоштанатон имкон дорад. Ба саломатии худ, хусусан, ба сифати хӯроки мехӯрдаатон диққати бештар диҳед. 

Ҷавзо (21 май-21 июн)

Дар ин рӯз аз нӯшидани нӯшокиҳои спиртӣ ва сахтгазноккардашуда худдорӣ намоед. Бо сабаби истеъмоли ғизои нодуруст бемор шудани меъдаатон имкон дорад. Зиёд зудбовар нашавед, нафароне ҳастанд, ки аз содагии шумо истифода бурдан мехоҳанд. Ҷавзоҳои муҷаррад бахти худро пайдо мекунанд.  

Саратон (22 июн-22 июл)

Боақлона рафтор намуда, ҳангоми баҳс ба ақли солим гӯш дода, оқилона рафтор намоед. Бо нафарони ношинос аз таҳти дил суҳбату дарди дил накунед, вагарна хафагиву ранҷиш ва дилсиёҳӣ имкон дорад. Бегоҳирӯзӣ ҳушёриро аз даст надиҳед, ба доми дузду қаллобон афтиданатон эҳтимол дорад.  

Асад (23 июл-22 август)

Давраи санҷишу имтиҳонҳо ба охир мерасад. Корҳоятон натиҷаи хуб медиҳанд. Рӯзро дар замини наздиҳавлигӣ гузаронидану ҳаракатҳои ҷисмонӣ манфиатбахш аст. Бо вуҷуди бобарор будани рӯз ба макру фиреб дода нашавед. Ҷавонон ба кӯмаки нафарони калонсол умед баста метавонанд.  

Сунбула (23 август-23 сентябр)

Барои истироҳати оилавӣ ва дигар робитаҳо рӯзи номусоид аст. Имкони рух додани муноқиша, нофаҳмӣ, хафагиву фиреб вуҷуд дорад. Беҳтараш рӯзро дар танҳоӣ гузаронед. Агар чунин имконро надошта бошед, аз ғазаб худдорӣ намуда, ба даҳони худ нигоҳ карда гап занед. Дар акси ҳол шуморо нодуруст мефаҳманд.  

Мизон (24 сентябр-23 октябр)

Рӯзи душвор аст. Бо сабаби он ки худро ором карда наметавонед, зуд-зуд ба қаҳр меоед. Агар имкони дар танҳоӣ гузаронидани рӯзро дошта бошед, аз он истифода баред. Дар ин рӯз на танҳо камбудиҳои хона, балки мушкилиҳои шахсиро рафъ карданатон лозим меояд.  

Ақраб (24 октябр-22 ноябр)

Барои машғул шудан бо корҳое, ки маблағи калони пулиро талаб мекунад, рӯзи мусоид нест. Мушкилиҳои нотамоми атрофиён ё туҳмати нафаре боиси қаҳру ғазабатон мегардад. Худро ба даст гиред, вагарна оташи ғазабатон ҳамаро ба хокистар мубаддал мегардонад. Баъзеҳо гирифтори рӯҳафтодагӣ мегарданд.  

Қавс (23 ноябр-21 декабр)

Имрӯз коратон натиҷаи хуб медиҳад, вале заҳмати зиёд кашиданатон лозим меояд. Агар нисбати атрофиён нармгуфтор бошеду ба дағалӣ роҳ надиҳед, муносибати онҳо низ бо шумо хуб мегардад. Дар муносибатҳои ошиқона нофаҳмӣ рух медиҳад. Ба рашк роҳ надиҳед, вагарна оштӣ шуданатон душвор мегардад.  

Ҷаддӣ (22 декабр-20 январ)

Ҳама коратон дар ин рӯз барор мегирад. Тамоми нақшаву ниятҳоятон амалӣ мегарданд. Нотарсона аз пайи корҳое шуда метавонед, ки чандон сарфаҳм намеравед. Аз нафаре, ки шуморо дӯст медорад, хабари хуш мешунавед. Сафарҳои тиҷоратӣ ва харидҳои калон бебарор анҷом меёбанд.  

Далв (21 январ-18 феврал)

Рӯзи хубест барои бастани ақди никоҳ ва баргузор кардани тӯйи арӯсӣ. Бо дӯстону наздикон гапатон мегурезад, ҳангоми баҳсу мунозира ба эҳсосот дода нашавед. Бонувон бояд ба саломатии худ диққати бештар диҳанд. Истироҳату сайругашт боиси болида гаштани табъатон мегардад.  

Ҳут (19 феврал-20 март)

Рӯзи душвор аст. Мушкилиҳои ҳалталаби корӣ ва шахсӣ қувваву мадори зиёдатонро талаб мекунанд. Хатари хурӯҷ намудани бемориҳои музмин имкон дорад. Дар ин рӯз ба касе қарз надиҳед, эҳтимол, пулатонро дигар барнамегардонанд. Пулро танҳо ба нафароне диҳед, ки аз онҳо дилпур бошед.  

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube